МЮ бош мураббийи шармандали мағлубиятга қандай изоҳ берди?

АПЛ 33-турининг марказий ўйинида чемпионлик учун курашаётган "Ливерпуль" кучли тўртликка киришни мақсад қилган "Манчестер Юнайтед"ни 4:0 ҳисобида мағлуб этди.

Беллашувдан сўнг "қизил иблислар" бош мураббийи Ральф Рангник матбуот анжуманида иштирок этди: "Ливерпуль" ва "Манчестер Сити" шунчаки мураббий алмаштириш орқали АПЛда гегемонлик қилаётгани йўқ, улар жамоани кучайтирмоқда. Раҳбарият ҳозирги футболчиларни етарли деб ҳисоблайди.

Агар вазиятни таҳлил қилсангиз, МЮга ўзгаришлар кераклигини англаб етасиз. Кўпчиликнинг шартномаси тугамоқда, менга олти, етти, саккиз балки, ўнта янги футболчи керак. Трансфер амалга оширишдан олдин у жамоа услубига тўғри келиши ҳақида бош қотириш лозим",-деди германиялик мутахассис.

Маълумот учун, манчестерликлар Премьер-лига турнир жадвалида 54 очко билан 6-поғонани эгаллаб турибди.