МЮнинг супертўпурарини Роналду “қуритган” экан!

“Манчестер Юнайтед” тарихидаги энг зўр тўпурарлардан бири Рууд ван Нистелрой 2006 йили бирданига клубни тарк этадиган бўлиб қолди.

Ўшанда нидерландиялик юлдузнинг жамоадан кетишига битта аҳамиятсиз учрашувда уни бошланғич таркибга қўшишмагани сабаб қилиб кўрсатилганди.

Сэр Алекс Фергюсоннинг яқин дўсти Алистер Кэмпбеллнинг айтишича, Рууднинг кетишига Криштиану Роналду сабабчи бўлган экан. Ўшанда икки ҳужумчи жанжаллашиб қолган ва бунга нидерландиялик юлдузнинг португалиялик футболчига кўрсатган номақбул ишораси сабаб бўлган.

- Ван Нистерлой муносабатлар таранглашган пайтда Криштиануга Карлуш Кейрош тимсолида янги ота топганини таъкидлайди. Роналдунинг отаси ичкиликка ружу қўйган ва шунинг оқибатида ҳаётдан кўз юмган эди. Роналду жамоадошининг бу гапларини оғир олди ва жамоадан кетишига сабабчи бўлди, - дейди Кэмпбелл.