Надаль "Ролан Гаррос" турнирининг 14 карра ғолиби!

Теннис бўйича "Катта дубулға" таснифидаги "Ролан Гаррос" турнирининг эркаклар ўртасидаги баҳсларида финал учрашуви бўлиб ўтди.

Унда Рафаэль Надаль Норвегия шарафини ҳимоя қилган Каспер Руудга қарши кортга чиқди. Ўйин кутилганидек, испаниялик теннисчининг катта устунлиги остида ўтди ва фаворит якунда 6:3, 6:3 ва 6:0 ҳисобида зафар қучди.

Шу тариқа, Надаль фаолиятида ўн тўртинчи бор "Ролан Гаррос" турнирида зафар қучди.