"Навбаҳор" Андрей Канчельскис билан қанча муддатга шартнома имзолайди?

Айни пайтда Намангандаги "Марказий" ўйингоҳда "Навбаҳор" клубига янги бош мураббий Андрей Канчельскиснинг таништирув маросими ўтказилмоқда.

Шунингдек, ушбу маросимда вилоят ҳокими Ҳайрулла Бозоров россиялик мутахассис билан қанча муддатга шартнома имзоланишини ҳам маълум қилди. Унга кўра томонлар ўзаро 3 йиллик шартнома имзолашади.

Эслатиб ўтамиз, Канчельскис бир неча ой аввал маълум сабабларга кўра "лочинлар" бошқарувини тарк этишга мажбур бўлганди. Унинг ўрнига олиб келинган Деян Журжевич ишончни оқламагач, яна Канчельскис Наманганга қайтарилди.