“Навбаҳор” премьер-лига клуби билан куч синашади

Янги мавсумга пухта тайёргарлик кўраётган “Навбаҳор” Туркиядаги ўқув-машғулот йиғинини давом эттирмоқда.

Жамоа аъзолари Туркиянинг Анталия шаҳрида 18 февралгача йиғин ўтказиб, бир қатор назорат-синов баҳсларида майдонга тушиши режалаштирилган. “Лочинлар” дастлабки ўртоқлик учрашувида Қозоғистоннинг “Ордабаси” жамоасига 1:2 ҳисобида имкониятни бой берганди.

Туркияда йиғин ўтказаётган Россия премьер-лигаси иштирокчиси “Урал” намаганликлар билан ўртоқлик учрашуви ташкил этилишини хабар қилди. Маълумотларга қараганда, бу ўйин 16 февралга белгиланган.

“Навбаҳор” таркибида жами 26 футболчи шуғулланмоқда.