“Нефтчи” ҳужумчиси легионерга айланиши мумкин

SPORTS.uz сайти журналисти – Яҳёхўжа Улуғхўжаев ўз телеграм каналида “Нефтчи” ҳужумчиси – Улуғбек Ҳошимовнинг легионерга айланиш эҳтимоли юқори эканлиги ҳақида маълум қилди. Унга кўра, фарғоналиклар аъзоси ёзда РПЛга йўл олиши мумкин.

“Фарғонанинг “Нефтчи” клуби аъзоси - Улуғбек Ҳошимов фаолиятини РПЛда давом эттириши мумкин.Биздаги маълумотларга қараганда, футболчи билан “Урал” клуби жиддий қизиқиб қолган.

Улуғбекнинг ўзи ҳам кучлироқ чемпионатга тўп суришга қарши эмас. Маълум бўлишича, агар “Урал” жиддий таклиф билан чиқса, “Нефтчи” Ҳошимовни контракти бор эканлигига қарамай жамоани эркин  тарк этиши учун шароит яратиб беришга тайёр.

Воқеалар ривожини кузатишда давом этамиз.”

Эслатиб ўтамиз, айни дамда “Нефтчи” 13 ўйинда 25 очко жамғарганча турнир жадвалида 3 поғонада бормоқда.