Нико Уильямс: "Финал – бизнинг ягона мақсадимиз"

"Атлетик" ярим ҳимоячиси Нико Уильямс жамоанинг Европа лигаси ярим финалига чиқишини юқори баҳолади. Басклар чорак финалда "Рейнжерс"ни икки учрашув натижасига кўра (0:0, 2:0) мағлуб этди.

"Жамоа катта ютуққа эришди. Ўтган мавсумда Испания Кубогини қўлга киритдик, бу йил эса Европа лигаси ярим финалидамиз. Умид қиламанки, финалгача етиб борамиз – жамоа бу учун барча кучини сарфлаяпти.

Жуда хурсандмиз, лекин курашни давом эттиришимиз керак. Финал – бизнинг ягона мақсадимиз" – дея ўз фикрлари билан ўртоқлашди испаниялик вингер.

Эслатиб ўтамиз, "Атлетик" ярим финалда "Манчестер Юнайтед"га қарши баҳс олиб боради. Европа лигаси финали 21 май куни Бильбаодаги "Сан-Мамес" стадионида бўлиб ўтади.