Новак Жоковични ким тўхтатади?

Сербиялик теннисчи Новак Жокович "Уимблдон" чемпионатининг биринчи даврасини барча кутганидек ғалаба билан бошлади.

Новак мазкур босқичда германиялик Филипп Кольшрайберга қарши кортга чиқди. Икки соат икки дақиқа ўтган ўйинда Жокович 6:3, 7:5, 6:3 ҳисобида зафар қучди.

Шу тариқа дунёнинг биринчи рақамли теннисчиси "Катта дубулға" туркумидаги мусобақанинг навбатдаги даврасида америкалик Денис Кудлага қарши ўйин ўтказадиган бўлди.