Нурсултон Рўзибоев шогирди ACA лигаси билан шартнома имзолади

Енгил вазн (70.3 кг) тоифасида ўз жангларини ўтказиб келаётган, ММА жангчимиз Отабек Тохиров Россиянинг 1-рақамли ва жаҳонда ҳам ўз ўрнига эга бўлган ACA лигаси билан шартнома имзолади. Тез орада унинг янги лигадаги жанги маълум бўлади. 

Отабек Тоҳиров Ўзбекистон ММА оламининг машҳур вакили Нурсултон Рўзибоевнинг шогирди ҳисобланади ва NUrsulton Team жамоасида машғулотлар олиб боради. Фаолияти мобайнида ATF Championship, WEF каби промоушенларда октагонга кўтарилган.

Маълумот учун, Отабек Тоҳиров фаолияти мобайнида 10 та жанг ўтказган ва 7 тасида ғалаба қозонган. Шунингдек, 3 мағлубият ҳам ўрин олган.