Одил “Бавария”дан таклиф олди

Германия чемпиони “Бавария” келажак учун ПСЖнинг 17 яшар ярим ҳимоячиси Одил Аушишни трансфер қилмоқчи.

Мюнхенлик скаутлар анчадан буён бу футболчини кузатиб келмоқда. “Бавария” Одилни ПСЖ харид қилишга уринаётган Лукас Эрнандеснинг трансферига қўштиришни режалаштирмоқда.

Жорий мавсумда ёш футболчи ПСЖ таркибида учта учрашувда битта гол урди. Одил ҳали ПСЖ билан профессионал шартнома тузмаган. Унинг нархи 5,4 миллион еврога баҳоланмоқда.