Ольмо Фликни “огоҳлантирди”

Ўтган мавсум Бундеслигадан “Барселона”га кўчиб ўтган истеъдодли ўйинчи Дани Ольмо қисқа фурсатда Ханс-Дитер Фликка керак бўлмай қолди.

Шундан келиб чиқиб, испаниялик футболчи бош мураббийга мурожаат қилди ва жамоада иккинчи даражали ролларга рози бўлмаслигини уқтирди.

El Nacional нашрининг ёзишича, Дани Ольмо Флик жамоасида зарурат бўлганда фойдаланадиган футболчи мақомига ўтиб қолишига қарши эканини очиқчасига намоён қилмоқда. Асосий таркибга кириш учун рақобат ўта катта эканига қарамай, ярим ҳимоячи асосий фиругалардан бири бўлишни истаяпти.

Испания чемпионатининг биринчи тури футболчининг талаблари Фликка таъсир қилмаганини кўрсатди. Германиялик мураббий Ольмони “Мальорка” билан сафарда бўлган учрашувда бошланғич таркибга киритмади ва танаффусда захирадан майдонга туширди.