Ўртоқлик ўйини. "Алания" "Энергетик-БГУ"ни мағлуб этди

Янги мавсумга тайёргарлик кўраётган Россия клублари ўртоқлик учрашувларида иштирок этмоқда.

Бугун "Алания" жамоаси Беларуснинг "Энергетик-БГУ" клубига қарши майдонга тушди. Ўйин владикавказликларнинг 2:1 ҳисобидаги ғалабаси билан якунланди.

Эътиборлиси, "Алания"нинг дастлабки голида Ҳусаин Норчаев бевосита иштирок этди. Айнан легионеримизнинг аниқ зарбасидан сўнг дарвозабондан қайтган тўпни Гогниев дарвозага киритди.

Беларусликлар таркибида кутилганидек Абдуқодир Ҳусанов майдонга тушмади, у фаолиятини бошқа чемпионатда давом эттириши кутилмоқда.