От спорти. Конкурчиларимиз Ханчжоу-2022 олдидан Словакиядаги турнирда иштирок этади

6-10 сентябрь кунлари Словакиянинг Шаморин шаҳрида от спортининг конкур йўналиши бўйича “Šamorín - Danube Champions Tour IV 2023” мусобақаси бўлиб ўтади. Жаҳон кубогининг финал босқичи ва Ханчжоу-2022 Осиё ўйинларига тайёргарлик кўраётган Ўзбекистон терма жамоаси аъзолари мазкур мусобақада иштирок этишади.

Терма жамоамиз турнирда 4 нафар чавандоз билан қатнашади. Жамоа сардори Бекзод Қурбонов “Matts” ва “Santos Xipika” лақабли тулпорларда, шунингдек, Хуршидбек Алимжонов “Chempions Ligas”, Умид Камилов “Kadesso”, Аъзам Толиббоев эса “Ledi” отларида стартга чиқади. 

МОҚ матбуот хизмати