Отабек Шукуров собиқ жамоасига қарши тўлиқ ўйнади

Туркия Суперлигаси 35-туридан ўрин олган "Кайсериспор" ва "Карагюмрук" жамоалари ўртасидаги ўйин якунланди. Мазкур беллашувда томонлар 2:2 ҳисобида дурангга имзо чекди.

Легионеримиз Отабек Шукуров собиқ жамоасига қарши ўйинни асосий таркибда бошлаб, тўлиқ учрашув ўтказди. Шукуров ўзининг фаол ҳаракатлари билан баҳснинг энг яхшиларидан бири бўлди.

Маълумот учун, "Кайсериспор" 41 очко билан 13-ўринда бормоқда. "Карагюмрук"эса 37 очко билан 15-ўринда жойлашган.