Ўзбекистон БААга қарши қандай либосда майдонга тушиши маълум бўлди

Ўзбекистон — БАА ўйини олдидан жамоалар расмийлари иштирокида учрашув бўлиб ўтди. Бу ҳақда Ўзбекистон футбол ассоциацияси хабар бермоқда.

Хабарга кўра, ушбу учрашувда ОФК вакиллари ва маҳаллий ташкилий қўмита томонидан иштирокчиларга ўйинга оид бир қатор масалалар, хусусан, маркетинг, тиббиёт ва хавфсизлик йўналишлари юзасидан тушунтириш ва эслатмалар бериб ўтилди.

Вакилларимиз мазкур баҳсда тўлиқ кўк либосда, дарвозабонимиз эса яшил либосда ҳаракат қилиши маълум бўлди.