Ўзбекистон футбол ассоциациясига президент сайланди (матнли трансляция)

Ассалому алайкум, мухтарам футбол ихлосмандлари! Айни дақиқаларда Миллий Олимпия қўмитаси биносида ЎФАнинг навбатдаги ҳисобот-сайлов конгресси бўлиб ўтмоқда. Сиз учун қулай бўлиши учун биз ушбу жараённи матнли кўринишда эътиборингизга ҳавола этамиз!

15:30. Ўзбекистон футбол ассоциацияси президенти лавозимига 45 та аъзо ташкилот Абдусалом Абдумавлонович Азизов номзоди, биринчи вице-президенти лавозимига 42 та аъзо ташкилот Равшан Сайфутдинович Эрматов номзоди қувватлаган. Амалдаги қонунларга кўра, Абдусалом Азизов ЎФА президенти, Равшан Эрматов вице-президенти лавозимига сайланди.

15:15. Сўз навбати биринчи бўлиб қўмита раиси Мирзаҳолов Ҳабибулло Раҳматуллаевичга берилди.

15:12. Кун тартибининг 5-масаласи ЎФА президенти, вице-президенти ва ижроий қўмита аъзоларини сайлаш. Бунинг учун Сайлов қўмитаси раиси ва унинг аъзолари таклиф этилади.

15:10. Ассоциациянинг 2019-21 йил давомида амалга оширган ишлари тўғрисидаги ҳисобот бир овоздан маъқулланди.

15:00. Айни дақиқаларда Аваз Махсумов ЎФА фаолияти тўғрисида ҳисоботни ўқиб эшиттирмоқда.