Петра Квитова финал остонасида қоқилди

Чехиялик теннисчи Петра Квитова ҳамда америкалик Элисон Риске Ухан шаҳрида ўтаётган мусобақанинг ярим финалида ўзаро тўқнаш келди.

Финал йўлланмаси учун ўтган ушбу ўйинда Петра рақибига 2 соат 5 дақиқа қаршилик кўрсатган бўлса-да, бироқ ҳар иккала сетда бир хил 5:7 ҳисобида имкониятни бой бериб қўйди.

Шу тариқа "Wuhan Open"нинг бош соврини учун ўтадиган учрашувда Риске беларуслик Арина Соболенко билан куч синашади.