Пирс Морган: "Қўрқинчли. Агар ПСЖ юта олмаганида нима бўларди?"

Британиялик журналист ва "Арсенал" мухлиси Пирс Морган Париждаги нотинчликлар ҳақида гапирди. Бу воқеалар ПСЖ – "Арсенал" ўйинидан кейин содир бўлди. Чемпионлар лигаси ярим финали жавоб баҳсида парижликлар 2:1 ҳисобида ғалаба қозониб, финалга йўл олди. Энди улар 31 май куни Мюнхенда "Интер"га қарши ўйнайди.

Морган ўз Xда (твиттер) мухлислар муҳити ва тунги вазият ҳақида ёзди:

"Ижобий томони – тунда жуда кулишли кеча бўлди, мен ПСЖ ультраслари орасида ўтирдим" – деб ёзди у ва файер ёқиб, жамоасини қўллаб-қувватлаётган парижликларнинг видеосини улашди"

Шунингдек, у ўйиндан сўнг Париждаги беқарор вазият ҳақида гапирди. Хабарларга кўра, Елисей майдонида бир машина одамларни босиб кетган ва 3 киши шифохонага ётқизилган. Шу билан бирга, полиция 43 кишини ҳибсга олган.

"Менда ўйиндан сўнг меҳмонхонага қайтиш анча хотиржам кечган ҳолатлар бўлган. Бўрончи тўдалар, полиция кўз ёши чиқарувчи газлар қўллаяпти, ҳар тарафда майда ёнғинлар.

Ўйлаш керак – агар мағлуб бўлишганида нима бўларди?" – дея ўз фикрларини ёзди таниқли журналист.