Португалия клубига қарши ўйин "Рома"га қимматга тушди

“Рома” ярим ҳимоячиси Эбрима Дарбо “Портимоненсе”га қарши мавсумолди назорат учрашувида жиддий жароҳат олди. Бу ҳақда клуб расмий сайти хабар тарқатмоқда.

Манбага кўра, жароҳат натижасида гамбиялик ярим ҳимоячи Римга қайтиб, ўнг тиззасидаги жароҳатни аниқлаш учун тиббий кўрикдан ўтишга мажбур бўлган.

Кейинроқ футболчи тиззасининг хоч бўғимини шикастлаб олгани ва жарроҳлик амалиётига муҳтожлигини маълум қилинди.

Хабар қилинишича, Дарбо яқин кунларда Швейцариянинг KLINIK GUT (Цент-Мориц) клиникасида операция қилинади.