ПСЖ "Барселона" футболчисини нишонга олди

ПСЖ "Барселона" ҳимоячиси Эрик Гарсияга қизиқиш билдирмоқда.

"Football24" нашрининг маълум қилишича, парижликлар 24 ёшли ҳимоячини ўз сафига қўшиб олишга ҳаракат қилмоқда. Бироқ ҳали ПСЖ футболчи учун Каталония клубига ҳеч қандай таклиф жўнатмаган. Шундай бўлса-да, Эрикни диққат билан кузатиб келмоқда. Бироқ Гарсия "Барселона"ни тарк этиш ниятида эмас. У "кўк-анорлиллар" билан меҳнат шартномасини 2029 йилгача узайтиришга яқин турибди ва "Барселона" унинг маошини ҳам ошириш ниятида. 

Эслатиб ўтамиз, Эрик Гарсия бу мавсум Флик қўл остида жами 16 та учрашувда майдонга тушди ва 1 та гол киритишга эришди.