ПСЖ футболчиси "Милан"га қимматлик қилмоқда

Италиялик журналист-инсайдер Жанлука Ди Марцио хабарига кўра, "Милан" ПСЖ ҳимоячиси Абду Диаллога қизиқиш билдирмоқда.

Манбага кўра, Париж клуби бу келишувга қарши эмас, бироқ уларнинг трансфер нархи бўйича талаблари жуда юқори. А Серия гранди эса ушбу талабларни қондира олмайди.

Қайд этилишича, агар ПСЖ футболчининг нархини камайтирса, “россонерилар” уни сотиб олиши мумкин бўлади.

Диалло январда "Милан"га ўтса, у дастлабки олти ойни ижара асосида ўтказади ва шундан сўнг италияликлар уни тўлиқ сотиб олишлари мумкин бўлади.

25 ёшли сенегаллик футболчи жорий мавсум ПСЖ сафида жами 13 та ўйинда майдонга тушди.