Путин Яхшибоев ўйнаётган лигани томоша қиляптими?

Россия федерацияси президенти Владимир Путиннинг матбуот котиби Дмитрий Песков давлат раҳбарининг Беларусь чемпионати ўйинларини томоша қилишига ишонмаслигини айтди.

Таъкидлаш керакки, Беларусь чемпионати коронавирус сабаб тўхтатилмаган Европадаги ягона футбол мусобақаси ҳисобланади. Ушбу чемпионатда 2 нафар ўзбекистонлик футболчи тўп сурмоқда. Булар Жасур Яхшибоев ҳамда Шаҳбоз Умаровдир.

“У (Путин) ўйинларни томоша қиляпти деб ўйламайман...У эътиборини ўзининг шахсий спорт фаолиятига қаратади”, - дейди Песков.

Шу ўринда, Россияда футбол мавсуми ёзга қадар тикланмаслигини айтиб ўтиш лозим.