Қатарда гол урган ҳужумчининг нархи кесин ошиб кетди

Нидерландия терма жамоаси сафида Қатардаги жаҳон чемпионатининг гуруҳ баҳсларидаги учала учрашувда тўп киритган Коди Гакпонинг трансфер суммаси кескин кўтарилиб бормоқда.

Foot Mercato нашрининг хабар беришича, футболчининг клуби ПСВ ўйинчи трансфери бўйича “Манчестер Юнайтед” билан музокара олиб бораётган эди.

Истеъдодли ҳужумчи мундиалда тўпурарлик маҳоратини намойиш қилганидан кейин нидерландияликлар манчестерликлардан Гакпо учун оширилган нархда пул тўлаш кераклигини талаб қила бошлади.

ПСВ асосий ҳужумчисининг нархини 64 миллион еврогача кўтарди. Манчестерликлар бу ўйинчини жамоани тарк этган Криштиану Роналдунинг ўрнини тўлдириш учун январда трансфер қилмоқчи.