Қимматбаҳо юлдуз Манчестерни тарк этадиган бўлди

“Манчестер Юнайтед”нинг уругвайлик легионери Мануэль Угарте жамоасини ўзгартириш бўйича бош қотирмоқда. Клуб бу ўйинчини 2024 йилнинг ёзида “Пари Сен-Жермен”дан 50 миллион еврога трансфер қилган эди.

Мануэль Угарте асосий таркибга кириш учун рақобатда бразилиялик футболчи Каземирога ютқазиб қўйди. Бош мураббий Рубен Аморим жорий мавсумда ёши ўтиб қолган бўлса-да, Каземирога ишонч билдиряпти.

Transfer News Live нашрининг ёзишича, Угартега Туркиянинг амалдаги чемпиони “Галатасарой” иш беришга тайёр экан. Турклар 24 ёшли ярим ҳимоячини қишки трансферлар ойнаси очилиши билан таклиф қилишни режалаштиряпти.

Мануэль Угарте Уругвайнинг “Феникс” клуби тарбияланувчиси ҳисобланади. 2021 йили Европага кўчиб ўтган ярим ҳимоячи “Манчестер Юнайтед”га келгунга қадар Португалиянинг “Фамаликан” ва “Спортинг”, Франциянинг ПСЖ клубларида тўп тепган.