Расман! 2022 йил Ўзбекистоннинг энг яхши ёш ўйинчиси номига даъвогарлик қилган футболчи "Динамо" аъзосига айланди

"Динамо" клуби Суперлиганинг энг иқтидорли ва умидли ўйинчиларидан бирини ўз сафига қўшиб олганини мамнуният билан маълум қилади.

Тошкентда ўтаётган ўқув-машғулот йиғинида жамоа кўригида қатнашган Хислат Халилов "Динамо" билан 2 йиллик шартнома имзолади.

20 ёшли яримҳимоячи ўтган икки мавсумни "Сўғдиёна" сафида ўтказиб, Суперлигада жами 25 ўйинда 3та голга, Ўзбекистон кубогида 5 ўйинда 2та голга муаллифлик қилди.

Хислат Халилов 2022 йил Ўзбекистоннинг энг яхши ёш ўйинчиси номига даъвогарлик қилган ва якунда бу борадаги рақобатчиси Аббосбек Файзуллаев бу совринни қўлга киритганди.