Расман! "Арсенал" "Реал" футболчисини ижарага олди

"Арсенал" "Реал" ярим ҳимоячиси Мартин Эдегорни ижарага олди. Бу ҳақда жамоа расмий сайти хабар тарқатди. 

Футболчи мавсумнинг қолган қисмини Лондон клубида ўтказади.  Эдегор "канонирлар" сафида Ўзилдан бўшаб қолган 11-рақам остида ҳаракат қилади. 

Маълумотларга кўра, "Реал" Мартиннинг ижарасидан 2 миллион евро ишлаб олади ва сотиб олиш шартини шартномага киритмайди. Жорий мавсум норвегиялик ярим ҳимоячи 7та ўйинда майдонга тушган.