Расман: Беш футболчи кетди

Англия Премьер-лигасини олтинчи ўринда якунлаган “Астон Вилла” клуби расмий сайти орқали жамоани беш нафар футболчи тарк этганини эълон қилди.

Клубга тегишли бўлган дарвозабон Робин Ульсен ва ҳимоячи Кортни Хаус шартномасининг амал қилиш муддати тугагани туфайли “виллаликлар” сафини тарк этди. Швециялик голкипер Премьер-лиганинг тўртта учрашувида қатнашган эди. Англиялик ҳимоячи эса, чемпионатда бирорта ўйин ўтказмади.

Шунингдек, “Астон Вилла” февралда ижарага олинган Маркус Рэшфорд, Марко Асенсио ва Аксель Дисасини ҳам ўз клубларига қўйиб юборишни маъқул топди.

29 ёшли Асенсио ПСЖдан олинган бўлиб, Англия клубида барча турнирларда 21 та учрашувда рақиблар дарвозасини саккиз маротаба ишғол қилди.

“Манчестер Юнайтед”га сиғмай қолган 27 ёшли Рэшфорд “Астон Вилла” учун 17 та беллашувда тўққизта гол уриб берди. “Челси”дан келган Дисаси ўнта ўйинда иштирок этди холос.