Расман: Франция чемпионатининг янги мавсуми қачон бошланиши маълум бўлди

Франция чемпионати 2020/21 мавсуми 22 августда старт берилади. Бу ҳақида ташкилот расмий матбуот-хизмати хабар бермоқда.

LFP директорлар кенгашининг навбатдаги йиғилишида янги тақвим масаласи кўриб чиқилади.

Мавсумнинг дастлабки тур баҳслари 22 ва 23 август куни бўлиб ўтади. Қишки таътил эса 23 декабрдан 6 январигача давом этади. Якуний тур баҳслари 23 май кунига режалаштирилди.

Эслатиб ўтамиз, Францияда футбол мавсумни муддатидан олдин якунланди ва ПСЖ мамлакат чемпионлиги унвонини қўлга киритди.