Расман! Маурицио Сарри "Ювентус" клуби бош мураббийи (Фото)

Англиянинг "Челси" клуби бош мураббийи Маурицио Сарри жамоани тарк этди. У яна Италияга қайтди. 

Олдинроқ мутахассисни Туринда кутишаётгани ва "Ювентус" билан шартнома имзолаши борасида хабарлар тарқалганди. Бугун ушбу маълумотлар тасдиғини топти. "Ювентус" клуби матбуот хизмати Маурицио Сарри жамоа устозига айланганини эълон қилди.

Маурицио Сарри "Ювентус" клуби билан 2022 йилнинг ёзига қадар мўлжалланган шартнома имзолади. 

Эслатиб ўтамиз, Маурицио Сарри "Челси" билан бу мавсум Европа лигаси кубогини қўлга киритди. АПЛда эса 3-ўринни эгаллади.