"Райо Вальекано" бош мураббийи: Ҳакамлар бўйича фикрим бор, аммо у ўзимда қолади

Иньиго Перес "Барселона"га қарши ўйиндан сўнг ҳакамликка изоҳ беришни истамади. 

Каталония клуби Ла Лига 24-тури доирасида "Райо Вальекано"ни 1:0 ҳисобида таслим этди. Биринчи бўлимда арбитр Марио Лопес меҳмонларнинг голини бекор қилди. 

"Мағлуб бўлиш ҳар доим оғриқли. Менинг илк эмоциям - мағлубиятнинг алами. Бироқ мен футболчилар ва мухлислар билан фахрланаман. 

Мен ҳакамларнинг иши қийин эканлигини биламан. Менинг ҳакамлар бўйича фикрим бор, аммо у ўзимда қолади. Ҳар ким ўзига керак бўлган ёки тўғри деб билган фикрда қолади", - деди Иньиго Перес.