"Реал" Анчелоттининг ишидан икки жиҳатда норози бўлди

Бразилия терма жамоаси кеча расман Карло Анчелоттини ўзининг янги бош мураббийи сифатида эълон қилди. Бу эса "Реал"даги даври якунланаётганини англатади.

"The Athletic" нашрининг хабар беришича, Мадрид клубидаги баъзи футболчилар ва ходимлар Анчелоттининг машғулотларда тактик тайёргарликка етарлича эътибор бермаслигидан норози бўлишган. Уларнинг фикрича, бу камчилик жамоанинг баъзи ўйинларида очиқ-ойдин сезилган.

Иккинчи танқид эса ёш футболчиларга нисбатан бўлган. Хусусан, "Реал"нинг бош скаути Хуан Калафат бошчилигидаги мутахассислар Анчелоттини Арда Гюлер ва Эндрик каби ёш иқтидорларга етарлича имконият бермаётгани учун танқид қилишган.

Маълумот учун, Анчелотти ёзда клубни тарк этади ва унинг ўрнини катта эҳтимол билан Хаби Алонсо эгаллайди.