"Реал" АПЛдан иккита футболчини ўз сафига қўшиб олмоқчи

"Реал Мадрид" "Ноттингем Форест"нинг икки нафар футболчиси билан шартнома тузиш имкониятларини ўрганмоқда.

"TeamTalk" нашрининг берган маълумотларига кўра, "қироллик клуби" "ўрмончилар" сафида ҳаракат қилиб келаётган ҳимоячи Мурилло ва ярим ҳимоячи Эллиот Андерсонни ўз таркибига қўшиб олишни режа қилган. Хаби Алонса бразилиялик ҳимоячи билан мудофа чизиғини кучайтиришни, англиялик ярим ҳимоячини эса жамоага кўпроқ гол уриш имкониятларини яратишда ёрдам беришини таҳмин қилмоқда.

"Ноттингем" бу икки футболчи учун 130 миллион евро талаб қилмоқда.

Маълумот учун, Мурилло 2023 йилда "Коринтианс"дан "Ноттингем" сафига келиб қўшилган. Андерсон эса 2024 йилдан "Ньюкасл"дан трансфер қилган.