"Реал Мадрид"нинг яна бир ҳимоячиси жароҳати сабаб "Барселона"га қарши учрашувни ўтказиб юборади!
"Реал Мадрид" ҳимоячиси Давид Алаба жароҳати сабаб "Барселона"га қарши беллашувда майдонга тушолмайди.
Австриялик футболчи Ла Лиганинг 9-туридаги "Хетафе"га қарши (1:0) ўйиннинг танаффусида алмаштирилган эди. "The Athletic" нашрига кўра, унда оёқнинг иккинчи қисмидаги мушак жароҳати аниқланган.
Маълумотларга кўра, Алаба 26 октябрь куни бўладиган "Эл-класико"да иштирок эта олмайди.
Шу билан бирга, "Реал"да ҳимоя чизиғида муаммолар кўпайган — жамоада яна олти нафар ҳимоячи жароҳат олган. Улар орасида Ферлан Менди ва Антонио Рюдигер "класико"ни аниқ ўтказиб юборади. Шунингдек, Дани Карвахаль, Дин Хаусен ва Трент Александр-Арнольд ҳам тикланиш жараёнида.
Комментарии