“Реал” орзусидаги футболчига 40 миллион евро тикди

“Реал” мутасаддилари чап қанотга моҳир ҳимоячи қидирмоқда. Улар анчадан бери “Бавария”нинг канадалик легионери Альфонсо Дэвисни мўлжаллаб юрибди.

Relevo нашри тарқатган маълумотга кўра, “Қироллик клуби” 23 ёшли футболчи учун “Бавария”га 40 миллион евро таклиф қилишни режалаштирган.

Дэвиснинг мюнхенликлар билан шартномаси якунланишига бир йил қолди. Ўйинчининг ўзи “Реал”га кўчиб ўтишни истаяпти ва клуби билан янги битим тузгани йўқ.

Альфонсо Дэвис “Бавария”га 2019 йили АҚШнинг “Ванкувер” жамоасидан 14 миллион еврога трансфер қилинган. Айни пайтда футболчи 50 миллион еврога баҳоланмоқда.