"Реал" Сенегалнинг "Afrika Banque" банки билан ҳамкорлик шартномаси имзолади

Мадриднинг "Реал" клуби Сенегалдаги "Afrika Banque" банки билан ҳамкорлик келишувига эришди. Янги шартнома асосида "Afrika Banque" клубнинг Ғарбий Африкадаги расмий ҳомийсига айланади.

Тантанали имзолаш маросими Мадридда бўлиб ўтди. Унда клубнинг ташкилий алоқалар бўйича директори Эмилио Бутрагеньо ва "Afrika Financial Group" бош директори Васко Дуарте Силва иштирок этди.

Клуб сайтида қайд этилишича, ҳамкорлик икки ташкилотнинг умумий ғояларини ифода этади: иқтидорларни ривожлантириш, жамоавий саъй-ҳаракатларни қўллаб-қувватлаш ва чексиз мақсадларни намойиш этиш.

Шу билан бирга, "Реал" учун бу ташаббус клубнинг Африка қитъасига садоқати ва ҳамдардлигини кўрсатувчи стратегиясига мосдир. Айни вақтда "Реал Мадрид" фонди Африканинг 22 мамлакатида 50 та лойиҳани амалга оширмоқда ва улар орқали 10 мингдан зиёд фойда кўрмоқда.