"Реал" Винисиус Жуниорни сотиш эҳтимолини кўриб чиқмоқда

Сўнгги ҳафта ва ойларда Винисиус Жуниорнинг келажаги футбол оламидаги энг муҳокамали мавзулардан бирига айланди. "Mundo Deportivo" нашрининг душанба кунги хабарида қайд этилишича, "Реал Мадрид" жамоаси бразилиялик юлдузни сотиш эҳтимолини истисно қилмаяпти, агар жиддий таклиф келиб тушса.

Манбага кўра, Винисиуснинг келажагига оид қарорлар яқин ҳафталарда ҳал этилиши мумкин. Шу билан бирга, "Реал" раҳбарияти унинг маошини Килиан Мбаппе даражасига – йилига 23 миллион еврога кўтаришни истамаяпти.

Клуб ичида Винисиуснинг ўйин сифати сўнгги пайтларда пасайгани ҳам таъкидланмоқда. Шунингдек, Transfermarkt портали футболчининг трансфер қийматини 170 миллион евро деб баҳолаган. Ҳозирда Жуниорга фақатгина Саудия клубларидан жиддий таклиф тушмоқда.