“Реал”га катта юлдуз келади

Marca нашри, ёзда “Челси”ни тарк этиб, “Реал” сафига қўшилиши кутилаётган Антонио Рюдигернинг шартномасига оид маълумотларни ошкор қилди.

Маълум бўлишича, лондонликлар билан шартномаси якунланганидан кейин германиялик ҳимоячи Мадрид клубига эркин агент сифатида бепул ўтади.

“Қироллик клуби” 29 ёшли ўйинчига шартнома имзолагани учун 8 миллион евро  бонус тўлайди. Келишувга кўра, Рюдигернинг “Реал” таркибидаги ҳар бир мавсуми 9 миллион еврога баҳоланган.

Рюдигер жорий мавсумда барча турнирларда 48 та учрашувда қатнашиб, бешта гол ва тўртта голли пас муаллифи бўлди.