Рекорд ўрнатган Роналду катта гапириб қўйди

Криштиану Роналду Саудия Арабистони чемпионатининг навбатдаги турида “Ал-Хазм” жамоаси дарвозасини ишғол қилиб, “Ан-Наср”нинг 5:1 ҳисобидаги ғалабасига катта ҳисса қўшди.

Португалиялик юлдуз учун бу гол расмий учрашувлардаги 850-гол бўлди. Бу борада Роналду мутлақ рекордчи ҳисобланади.

Учрашувдан кейин Криштиану тарихий воқеага муносабат билдирди.

- Яна бир жамоавий муваффақият! Биз кучайишда давом этамиз. Олға, “Ан-Наср”!

Фаолиятимда 850 та гол урганим ҳали чегара эмас, - деб ёзди Криштиану Роналду ўзининг ижтимоий тармоқдаги саҳифасида.