Рибери фаолиятини Қатарда давом эттириши мумкин

"Бавария" ярим ҳимоячиси Франк Рибери фаолиятини Қатар чемпионатида давом эттириши мумкин, деб хабар беради Kicker.

Манба берган маълумотларга кўра, футболчи хизматига "Ал-Садд" қизиқиш билдирмоқда. Машҳур испаниялик Хави тўп сурадиган жамоа мавсум якунига етганидан сўнг Риберини ўз сафига қўшиб олмоқчи. Айнан Хави франциялик 35 ёшли ярим ҳимоячини Қатарга таклиф қилмоқда. 

Маълумот учун Рибери мавсум якунига етганидан сўнг "Бавария"ни тарк этиш ниятида эканлигини маълум қилганди.