Рикки Хаттон вафоти этди

Британиялик собиқ жаҳон чемпиони Рикки Хаттоннинг вафоти бутун бокс оламида катта йўқотиш сифатида қарши олинди. Унинг оиласи воқеа юзасидан расмий баёнот билан чиқди.

"Биз барчамиз сўнгги кунларда содир бўлган воқеалардан ларзадамиз. Ҳаммага маълум бўлган қийинчиликларига қарамай, Ричард ўзини яхши ҳис қилаётганди. У келажакни интиқлик билан кутаётган, Дубайга қайтиш жангини тарғиб қилиш учун боришга тайёргарлик кўраётган эди. Рики у ердаги қизлари билан байрам қилишни ҳам режалаштирганди.

Сўнгги кунларда Ричард оиласи ва жамоаси билан мулоқотда бўлди. Жума оқшомида у қизлари билан кечки овқат қилган. Ричард ҳеч қачон ёлғиз эмасди ва охирги кунлари ҳам яқинлари билан эди.

Биз барчамиз ҳафта охирида содир бўлган воқеалардан даҳшатдаман. Уни унинг дўсти ва узоқ йиллик менежери Пол Спик топган. Биз уни, Ричарднинг ота-онаси, фарзандлари ва бутун оиласини қўллаб-қувватлаймиз", - дейилади баёнотда. 

Маълумот учун, Рикки Хаттон профессионал рингда 45 та жанг ўтказиб, улардан 43 тасида ғалаба қозонган (31 таси нокаут билан). У супер енгил ва ярим ўрта вазн тоифаларида жаҳон чемпионлик камарларини қўлга киритган, шунингдек, ўз даврининг энг машҳур британиялик боксчиларидан бири сифатида тарихда қолган.