Риёд-2025. Нигора Абдуллаева мусобақани 3 та кумуш медал билан якунлади

Саудия Арабистонининг Ар-Риёд шаҳрида VI Ислом Бирдамлиги ўйинлари давом этмоқда.

Яна бир оғир атлетикачимиз Нигора Абдуллаева (-58 кг) делегациямизга навбатдаги медални тақдим қилди. Ҳамюртимиз даст кўтариш машқини 96 кг билан иккинчи ўринда якунлади ва кумуш медалга эга чиқди.

Шунингдек, -58 кг вазн тоифасида қатнашган Абдуллаева силтаб кўтаришда 118 кг, икки курашда эса 214 кг билан ҳар икки дастурда 2-натижани қайд этди. 

Бу ҳақда МОҚ хабар бермоқда.