Рожерс Саудия клубида иш бошлади

Брендан Рожерс Саудия Арабистони клуби "Ал-Қодисия"да иш бошлади. Мураббий билан жамоа 2028 йилнинг ёзига қадар амал қиладиган шартнома имзолади.

Рожерснинг бундан олдинги иш жойи "Селтик" эди. У 2023 йилдан 2025 йил октябргача клубни бошқарди ва кетма-кет икки мавсум Шотландия чемпионатини қўлга киритди. 

"Ал-Қодисия" айни пайтда Саудия чемпионатининг 5-ўринидан жой олган. Ҳобарликлар 9 та турдан 5 тасида ғалаба қозонди. Шу билан бирга, 2 та мағлубият ва 2 дуранг натижа қайд этди.