"Рома" Игуаинни ижарага олмоқчи

"Рома" клуби "Ювентус" форварди Гонсало Игуаиннинг хизматларига жиддий қизиқиш билдира бошлади. Бу ҳақда Corriere dello Sport нашри хабар тарқатмоқда.

Юқоридаги манбаага кўра римликлар 31 ёшли аргентиналик футболчини жорий ёзги трансферлар даврида ижарага олишмоқчи. Туринликлар ҳам ўз навбатида бунга қарши эмас, фақат бунинг учун 12 млн евро талаб қилишмоқчи.

Эслатиб ўтамиз, Игуаин ўтган мавсумни “Милан”да бошлаб “Челси”да якунлаган эди. Унинг “кекса синьора” билан амалдаги шартномаси 2021 йилга қадар имзоланган.