"Рома" Перес бўйича "Барселона" билан келишувга эришди

Испаниянинг Onda Cero радиостанцияси хабарига кўра, "Рома" Карлес Перес трансфери бўйича "Барселона" билан келишиб олди.

Манбага кўра, 21 ёшли испаниялик хавбекнинг трансфери римликлар учун 15 миллион еврога тушади. Перес 28-январь куни Римда тиббий кўрикдан ўтиши ва "Рома" билан шартнома имзолаши кутилмоқда.

Жорий мавсумда Перес Испания Ла Лигаси доирасида "Барселона" либосида 10 та ўйинда майдонга тушиб, битта гол киритган.