Роналду “Барселона”нинг сўнгги трансферидан ҳайратга тушди

“Барселона” асосий дарвозабони Марк-Андре тер-Штеген оғир жароҳат олиб, узоқ муддатга сафдан чиққанидан кейин ўз таркибига фаолиятини якунлаган Войцех Шчеснини қўшиб олди.

Яқинда УЕФА Миллатлар лигаси доирасида Польша ва Португалия терма жамоаларининг ўзаро учрашувида польшалик дарвозабон ва Криштиану Роналду учрашиб, “Барселона” трансферини муҳокама қилди.

- Сен суперклубга ўтиш учун фаолиятингни якунлаганингни эълон қилишинг керак экан, бу жуда ҳайратланарли ҳолат, - деди Криштиану Роналду ўзи билан бирга “Ювентус”да ўйнаган Войцех Шчеснига.

34 ёшли дарвозабон 27 август куни “Ювентус” билан хайрлашиб, профессионал фаолиятини якунлаганини расман эълон қилган эди. Бироқ “Барселона” раҳбарияти уни майдонга қайтишга кўндирди ва 2 октябрь куни томонлар профессионал шартномага имзо чекди.