Рўзиқул Бердиев: "Яхши жамоани мағлубиятга учратдик"

Суперлиганинг 10-туридан ўрин олган “Қўқон-1912” – “Насаф” (0:2) учрашувидан кейинги матбуот анжуманида дастлаб меҳмонлар устози Рўзиқул Бердиев иштирок этди.

- Биз яхши жамоани мағлубиятга учратдик. Бу жамоани бир неча бор ўйинини кўрдик. Анча курашувчан жамоалигига амин бўлиб, ушбу учрашувга жиддий тайёргарлик кўрдик. “Қўқон-1912” жамоасининг кескин ўйинига тайёр бўлишимиз керак эди. Улар узун паслар билан яхши ҳаракат қилади. Биз эса шу жиҳатларига ҳам эътиборли бўлишимиз керак эди ва шундай ҳам бўлди. Ҳисобда олдинга ўтиб, натижани назорат қилиб турдик. Бугунги ўйинда футболчиларимиз рақибга қараганда анча маҳоратли эди. Буни амалда ҳам кўрсатишди.

- Рубин Хебай жамоага киришиб кета олмаётгандек кўриняпти. “Андижон”даги ўйинини кўрсата олмаяпти.

- “Андижон” билан “Насаф” жамоаларини талабалари бошқачароқ. Бизга янги келган ва талабларимизга кўникиши керак. Биласизлар, кўп жароҳатлар олди. Ўйинга киришиб кета олмагани учун Хусайн Норчаевни иккинчи бўлимда майдонга туширдик. Бу билан ҳужумда кескинлигимизни оширдик.

- Шерзод Насруллаевни бетоб деб эшитдик. Кейинги ОКМК билан ўйинда майдонга қайтадими?

- Умид қиламиз, кейинги учрашувларга тайёр бўлади. Бетоблиги учун ўтган ўйинда ҳам ўйнамади.