Рубен Аморим: "Биз ўтмишга эмас, келажакка қарашимиз керак"

"Манчестер Юнайтед" бош мураббийи Рубен Аморим Криштиану Роналдунинг клуб ҳақидаги фикрларига муносабат билдирди.

Аввалроқ "Ан-Наср" ҳужумчиси шундай деган эди: "МЮ тўғри йўлдан кетмаяпти. Клубда тузилма муаммоси бор. Салоҳияти улкан, лекин ҳолати менга алам қилади. Ўзгаришлар зарур — бу фақат мураббий ёки ўйинчилар ҳақида эмас".

Аморим жавобан қуйидагиларни айтди:

"Албатта, у айтган ҳар бир сўзининг катта таъсирга эга эканини яхши тушунади. Лекин биз келажакка диққат қаратмоғимиз керак. Клуб сифатида ўтмишда кўп хатоларга йўл қўйганимизни биламиз ва уларни тузатиш устида ишлаяпмиз.

Ўтмишга ўралишиб қолиш керак эмас. Биз олдинга қарашимиз шарт. Ҳозирги ишимизга эътибор қаратиш лозим. Клубда кўп нарсалар ўзгармоқда — тузилма, ўйинчилар муносабати, йўналиш. Биз янада такомиллашишга интиляпмиз", — дея таъриф бериб ўтди португалиялик мутахассис.