Руминия - Германия: Матнли трансляция

Ассалому алайкум, мухтарам футбол ихлосмандлари! Жачон Чемпионати саралаш босқичи 2-туридан ўрин олган Руминия - Германия учрашуви матнли трансляция кўринишида эътиборингизга ҳавола этилади. Уни сизлар билан Жавоҳир Азимов кузатиб боради.

• 90+4'
  

  Учрашув якунланди. Матнли трансляция Жавоҳир Азимов томонидан олиб борилди!

• 90+3'
  

  Ўйин вақтини сунъий равишда чўзгани учун Киммихга сариқ карточка кўрсатилди.

• 90+2'
  

  Серж Гнабри ўрнига Флориан Нойхаус майдонга тушди.

• 90+1'

  Майдон эгалари катта куч билан ҳужумга интилмоқда. Бироқ аксарият ҳужумлар рақиб томонидан зарарсизлантириляпти.

• 90'
  

  Ўйиннинг асосий вақтига 3 дақиқа қўшиб берилди.

• 89'

  Германия мудофааси хатолар қила бошлади. Нойер яхши ҳаракат қилиб, жамоасини голдан қутқариб қолди.

• 87'

  Жарима майдони ичида қулай имконият ҳосил қилган Сане зарба йўллашга кечикди.

• 85'

  Учрашув сўнгига келиб, майдон эгалари ҳам бироз фаолликни оширди.

• 82'
  

  Руминияликлар бурчак зарбасидан унумли фойдалана олмади.

• 80'

  Ўйин темпи бироз пасайди. Футболчилар чарчади, чоғи.

• 77'
  

  Кай Хаверц ўрнига Тимо Вернер майдонга тушди.

• 76'

  Саненинг стандартдан йўллаган "пушка" зарбаси ҳимоячини майдонга қулатди.

• 74'

  Санега нисбатан ишлатилган қўполлик учун немислар стандартни қўлга киритди.

• 72'
  

  Бурчакдан етказиб берилган тўпни Нойер ушлаб олди.

• 69'

  Германия жарима майдони яқинида стандарт вазиятга эга бўлди. Бироқ узатмадан ҳеч қандай фойда бўлмади.

• 67'

  Эмре Жаннинг узатмасини ҳимоячилар узоқлаштирди.

• 65'
  

  Клаудио Кешеру ўз ўрнини Жорже Пушкашга бўшатиб берди.

• 63'

  Жарима майдони ичига кирган Лерой Сане тўпни ўзига бўйсундира олмади.

• 61'
  

  Руминия дарвозабони иккини бор жамоасини муқаррар голдан қутқариб қолди. Бу сафар у Гюндоганнинг зарбасини бартараф этди.

• 58'
  

  Серж Гнабри дублни нишонлаши мумкин эди. Бироқ унинг зарбасидан кейин тўпни дарвозабон қайтарди.

• 55'

  Маттиас Гинтернинг узоқ масофадан берган зарбасига аниқлик етишмади.

• 52'

  Кай Хаверц ўйиндан ташқари ҳолатда қолиб кетди.

• 50'

  Леон Горецканинг уринишидан кейин дарвозабон хавфни бартараф этди.

• 48'
  

  Руминия футболчиси воқеалар ривожидан илгарилаб кетди. Ҳакам ўйинни тўхтатди.

• 46'
  

  Иккинчи тайм бошланди!

• 45+1'
  

  Биринчи таймга вақт қўшилмади. Танаффус!

• 45'
  

  Эмре Жаннинг узоқ масофадан берган зарбасини дарвозабон ушлаб олди.

• 43'

  Руминия дарвозаси томон жарима майдони ичидан берилган зарбага аниқлик етишмади.

• 42'

  Гнабрига нисбатан ишлатилган қўполлик натижасида меҳмонлар стандарт вазиятга эга бўлди.

• 39'

  Германияликлар тўпни назорат қилишда давом этмоқда.

• 36'

  Клостерманн жарима майдонига ёриб кираётган рақибини усталик билан тўхтатди.

• 34'
  

  Меҳмонлар бурчак зарбасидан наф чиқара олмади.

• 32'

  Серж Гнабри қулай имкониятни кўкка совурди.

• 30'

  Германиянинг навбатдаги ҳужуми ноаниқ пас туфайли ўз якунига етмай қолди. Кай Хаверц тўпга етолмади.

• 28'

  Немислари рақиб жарима майдони атрофида тўпни назорат қилиб, ҳимоядаги бўш ҳудудларни изламоқда.

• 26'
  

  Разван Мариннинг зарбасидан кейин Нойер хавфни бартараф этди.

• 23'

  Льёв шогирдлари майдон марказидаёқ рақибни тўпсизлантиришга ҳаракат қиляпти.

• 21'
  

  Лерой Сане ўйиндан ташқари ҳолатда қолиб кетди.

• 19'

  Киммихнинг жарима майдони ташқарисидан йўллаган зарбаси тўсинни титратди.

• 18'

  Гюндоганнинг жарима майдонига узатган тўпини дарвозабон ушлаб олди.

• 16'
  

  ГОООООООООООООООООООООООООООООООЛ! Учрашувда ҳисоб очилди!

  Хаверцнинг шедевр узатмасидан кейин Серж Гнабри дарвозани ишғол этди.

• 16'
  

  Санега нисбатан қоида бузган Попеску огоҳлантирилди.

• 14'

  Майдон эгалари устунликни рақибдан тортиб олишга ҳаракат қиляпти.

• 12'

  Флорин Тэнасенинг яқин масофадан берган зарбаси бироз ноаниқ кетди.

• 11'

  Горецка майдон марказида қоида бузди. Ҳакам ўйинни тўхтатди.

• 9'
  

  Кай Хаверцнинг яқин масофадан йўллаган зарбасини дарвозабон қайтарди.

• 8'

  Кешерунинг узоқ масофадан берган зарбаси ноаниқ кетди.

• 6'

  Ўйин "немис машинаси"нинг катта устунлиги остида давом этмоқда.

• 4'

  Жарима майдони ташқарисидан меҳмонлар футболчисининг йўллаган зарбасига аниқлик етишмади.

• 3'

  Клоостерманнинг жарима майдонига узатган тўпига Гнабри ета олмади. Дарвозабон тўпни ушлаб олди.

• 2'

  Кутилганидек, немислар дастлабки дақиқалардан фаоллик намойиш этмоқда.

• 1'
  

  Учрашувга старт берилди!

• 0'

  Футболчилар майдонга тушиб келди. Миллий мадҳиялар янгради.