Салоҳ нега жамоа билан шартномасини узайтиргани ҳақида гапирди

Хабарингиз бор, бир неча дақиқа олдин Муҳаммад Салоҳ "Ливерпуль" билан шартномасини яна икки мавсумга узайтирди.Ушбу воқеадан сўнг 32 ёшли юлдуз нега жамоада қолишга қарор қилгани ҳақида ўз фикрлари билан ўртоқлашди.

"Албатта, хурсандман. Бизда ҳозир ажойиб жамоа бор. Илгари ҳам шундай жамоа бўлган. Лекин мен яна шартнома имзоладим, чунки бизда бошқа совринларни ютиш имкони бор, деб ўйлайман.

Карьерамдаги энг яхши йилларни шу ерда ўтказдим. Мен “Ливерпуль”да саккиз йилдан бери ўйнаяпман. Умид қиламанки, бу рақам ўн йилгача етади. Бу ерда ҳаётдан, футболимдан завқ олаяпман. Шу билан бирга, фаолиятимдаги энг зўр йиллар шу ерда ўтди.

Мухлисларга айтмоқчиманки, мен бу ерда бўлишдан жуда-жуда бахтлиман.

Бизни қўллаб-қувватлашни давом эттиринг, биз эса қўлимиздан келган барча ишни қиламиз ва келажакда яна кўп совринлар ютамиз" – дея таъриф бериб ўтди мисрлик юлдуз.