Салоҳнинг агентлари янги клуб билан музокаралар бошлади

"Ливерпуль" ҳужумчиси Муҳаммад Салоҳ Саудия Арабистони чемпионатига йўл олиши кутилмоқда. Бу ҳақда "Lequipe" журналистлари хабар қилишди.

Манбага кўра, Мисрлик ҳужумчини ўз сафига қўшиб олишни мамлакат чемпиони "Ал-Ҳилол" клуби истамоқда. Клуб вакиллари Муҳаммаднинг агентлари билан дастлабки музокараларни бошлаган. Салоҳнинг "Ливерпуль" билан шартномаси 2024/2025 йилги мавсум якунида тугайди.

Жорий Англия Премьер-лигаси мавсумида 32 ёшли ҳужумчи 20 та ўйинда майдонга тушиб, 18 та гол урган (шундан 5 таси пеналтилардан) ва 13 та голли узатма амалга оширган.